ომეგა ბალანსი

აღწერა

ომეგა 3 და 6 ცხიმოვანი მჟავები პრქატიკულად ყველა უჯრედში როგორც სტრუქტურულ, ისე ფუნქციურ როლს ასრულებენ. ესენციური ცხიმოვანი მჟავები ისევე მნიშვნელოვანია ორგანიზმისთვის, როგორც ვიტამინები და მინერალები.
შეუცვლელი ცხიმოვანი მჟავების მიღებასთან ერთად საჭიროა მათი ბალანსი. ზუსტად ასეთი ბალანსირებული თანაფარდობით შეიქმნა ციტოფლენის ომეგა ბალანსი, რაც განსაკუთრებით მნიშვნელოვანია ქალის ორგანიზმისთვის.
GLA (გამა ლინოლენის მჟავა) არეგულირებს არტერიული წნევას, რეპროდუქციულ და იმუნური სისტემებს. DHA ( დოკოზაჰექსაენოინის მჟავა) აუცილებელია თავის ტვინის ნორმალური ფუნქციონირებისათვის (საჭიროა დღიურად 250 მგ DHA) და თვალის ჯანმრთელობისათვის (საჭიროა დღიურად 250 მგ DHA). DHA და EPA (ეიკოზაპენტაენის მჟავა ) განაპირობებენ გულის ნორმალურ ფუნქციონირებას, არტერიული წნევის რეგულირებას (დღიურად საჭიროა 3 გ EPA/DHA), სისხლში ტრიგლიცერიდების კონცენტრაციის ნორმის ფარგლებში შენარჩუნებას. (დღიურად საჭიროა 3 გ EPA ან 2 გ DHA)
პროდუქტის უპირატესობა: ცხიმოვანი მჟავები მიიღება მიკროწყალმცენარეებისგან, რომლებიც კონტროლირებად გარემოში იზრდებიან, (Schizochytrium sp microalgae), ამიტომ გამორიცხულია პროდუქტის კონტამინაცია დაბინძურებული ოკეანის წყლით.
ბრენდის უპირატესობა: ნიადაგის გამოფიტვა სასურსათო და სამკურნალო მცენარეულ ნედლეულში საკვები და სასარგებლო ნივთიერებების დეფიციტს იწვევს. ამიტომ, ჯანსაღი კვების პირობებშიც კი ვერ ხერხდება ხოლმე ორგანიზმისთვის საჭირო საკვები ნივთიერებების მიღება.
საკვები დანამატების წარმოებისთვის „ციტოფლენი“ მხოლოდ ბიოდინამიურ მეურნეობაში მოპოვებულ სასურსათო ან სამკურნალო მცენარეულ ნედლეულს, მიკროორგანიზმებსა და მათი მეტაბოლიზმის პროდუქტებს იყენებს. ასეთ მეურნეობაში მცენარეები ცოცხალ, ნოყიერ ნიადაგში იზრდება, რაც მინერალებით, ვიტამინებით, სასარგებლო ნივთიერებებით და ფიტონუტრიენტებით მდიდარ ნედლეულს უზრუნველყოფს.
კვლევებით დადგენილია, რომ მცენარის მთლიანი ექსტრაქტი გაცილებით ეფექტურია, ვიდრე რომელიმე იზოლირებული ნივთიერება. ბუნებრივ კომპლექსურ ნაერთებში თითოეულ ნივთიერებას გარკვეული როლი აკისრია – ზოგი შეწოვას უწყობს ხელს, ზოგი გარდაქმნას, ზოგი გამოყოფას და ასე შემდეგ. ციტოფლენის საკვები დანამატებით ორგანიზმი ნივთიერებებს იმ სახით იღებს, როგორიც ეს ბუნებრივ სასურსათო /ბოსტნეული, ხილი/ ან სამკურნალო მცენარეულ ნედლეულშია წარმოდგენილი.
ცოცხალი ორგანიზმებიდან მიღებული ნივთიერებები ბუნებრივად ერთვებიან ადამიანის მეტაბოლურ ციკლში და იოლია მათი შეწოვაც და გარდაქმნაც. ციტოფლენის ბიოეფექტური საკვები დანამატების ფორმულები სრულფასოვნად შეიწოვება და გამოიყენება ორგანიზმის მიერ. მნიშვნელოვანია ისიც, რომ არ აღიზიანებენ საჭმლის მომნელებელ სისტემას.
1 კაფსულა შეიცავს: მიკრო წყალმცენარეების ზეთი 500მგ, DHA 150მგ, EPA 75 მგ, ენოთერას ზეთი 500მგ, GLA 46 მგ.
მიღების წესი: 1-2 კაფსულა დღეში ჭამის დროს.
უკუჩვენება: თუ გაქვთ ღვიძლის დაავადებები, ან თუ იღებთ ანტიკოაგულანტებს, საკვები დანამატის გამოყენებამდე მიმართეთ ექიმს .
არ შეიცავს გენმოდიფიცირებულ ნივთიერებებს, ხორბლის, სოიოს, რძის პროდუქტებს, სინთეზურ დამატკბობელს, საღებავებს და არომატიზატორებს.
შეინახეთ მშრალ, გრილ, სინათლისგან დაცულ ადგილას.